An Clár don Eoraip Dhigiteach

Tá ról ríthábhachtach ag an teicneolaíochtdhigiteach agus ag an mbonneagar digiteach inár saol príobháideach agus inár dtimpeallachtaí gnó. Bímid ag brath orthu chun cumarsáid a dhéanamh, obair a dhéanamh, eolaíocht a chur chun cinn agus aghaidh a thabhairt ar fhadhbanna comhshaoil atá ann faoi láthair. Le linn phaindéim COVID-19, léiríodh ní hamháin an méid atá ag brath ar ár dteicneolaíocht a bheith ar fáil dúinn, ach a thábhachtaí atá sé nach mbeadh an Eoraip ag brath ar chórais agus ar réitigh a thagann ó réigiúin eile den domhan. Le cogadh foghach na Rúise i gcoinne na hÚcráine, nochtadh a thuilleadh na leochaileachtaí inár slabhraí soláthair digiteacha agus a thábhachtaí atá sé infheistíocht a dhéanamh sa chibearshlándáil agus feabhas mór a chur ar acmhainneachtaí digiteacha an Aontais.  

Cuireannan Clár don Eoraip Dhigiteach (DIGITAL) maoiniú straitéiseach ar fáil chun aghaidh a thabhairt ar na dúshláin sin, ag tacú le tionscadail i bpríomhréimsí acmhainneachta amhail: an tsár-ríomhaireacht, an intleacht shaorga, an chibearshlándáil, ardscileanna digiteacha, agus a áirithiú go mbainfear úsáid fhorleathan as teicneolaíochtaí digiteacha ar fud an gheilleagair agus na sochaí. Tacaíonn sé leis an tionsclaíocht, le fiontair bheaga agus mheánmhéide (FBManna), agus leis an riarachán poiblí agus iad i mbun claochlú digiteach trí líonra treisithe de Mhoil Nuálaíochta Digití Eorpacha (EDIH).

Cuireadh limistéar nua acmhainneachta maidir le leathsheoltóirí isteach i mí Mheán Fómhair 2023. FaoinIonstraim umShliseanna,rinneadh cistiú DIGITAL a shlógadh chun aghaidh a thabhairt ar ghanntanas leathsheoltóirí trí fhothú acmhainneachta a chur chun cinn tríd an Tionscnamh Sliseanna don Eoraip.

Le buiséad foriomlán os cionn EUR 7.9 billiún, tá sé d’aidhm ag DIGITAL claochlú digiteach shochaí agus gheilleagar na hEorpa a mhúnlú, i gcomhréir le spriocanna an Aontais a shainítear sa Teachtaireacht — Compás Digiteach 2030: An bealach Eorpach le haghaidh na Deacáide Digití agus sa Chlár Beartais — Conair i dtreo na Deacáide Digití.

Ní thugann an Clár don Eoraip Dhigiteach aghaidh ar dhúshláin ina n-aonar. Comhlánaíonn sé an cistiú atá ar fáil trí chláir eile de chuid an Aontais, amhail Fís Eorpach (le haghaidh taighde agus nuálaíochta) agus antSaoráid um Chónascadhna hEorpa (le haghaidh bonneagar digiteach), an tSaoráid Téarnaimh agus Athléimneachta agus na Cistí Struchtúracha, gan ach beagán a lua. Is cuid de bhuiséad fadtéarmach an Aontais é, anCreat Airgeadais Ilbhliantúil 2021-2027.

Tuilleadh eolais faoi conas maoiniú a fháil.

Liostáil leis an nuacht is déanaí ar an ábhar seo agus tuilleadh